१७ जेठ, गोरखा । आरुघाट गाउँपालिका–१ कल्चेतमा भिरबाट लडेर एक बालकको ज्यान गएको छ । बिद्यालयबाट घर फर्कदै गर्दा अंगेरी टिप्न गएका सात बर्षिय अनमोल गुरुङको लडेर ज्यान गएको प्रहरीले जनाएको छ ।
Advertisement
‘दाइसँग स्कुलबाट घर फर्कदै गर्दा बाटोमा अंगेरी टिप्न गएछ,’ डिएसपी लिलाराज लामिछानेले भने, ‘सोही क्रममा ढुङ्गामा चिप्लिएर अनमोल तल खसेछ, माथिबाट त्यही ढुङ्गा आएर टाउकोमा लागेछ ।’
घाइते गुरुङको प्राथमिक स्वास्थ्य केन्द्र केरौजामा उपचारको क्रममा मृत्यु भएको बताइएको छ । उनको शव पोष्टमार्टमका लागी आरुघाट ल्याउने तयारी भइरहेको डिएसपी लामिछानेले बताए ।
मृतक गुरुङ चन्द्रोदय प्राविमा अध्ययनरत थिए ।
तपाईको प्रतिक्रिया
संबन्धित शिर्षकहरु
