७ भदौ, गोरखा । गोरखा नगरपालिका–६ छहरे स्थित बालमन्दिर माध्यमिक बिद्यालयमा अध्ययनरत अनाथ बालबालिकालाई शैक्षिक सामग्री वितरण गरिएको छ ।
लायन्स क्लव अफ गोरखा, लायन्स क्लव अफ गोरखा कालिका र लियो क्लव अफ गोरखाले संयुक्त रुपमा २४ जना बिद्यार्थीलाई सामग्री वितरण गरेको हो ।
लियो जिल्ला परिषद ३२५ जे नेपालका लियो क्लब चियर पर्सन रामराजा थापाको जन्म महिनाको अवसर पारेर कार्यक्रम गरिएको लियो क्लब अफ गोरखाका अध्यक्ष बालकृष्ण परियारले बताए ।
उनका अनुसार थापाको जन्म अगष्ट महिनामा भएको र सोही महिनालाई लियो लायन मन्थको रुपमा मनाइएको हो ।
परियारको अध्यक्षतामा तथा लायन्स क्लब अफ गोरखाका पूर्व अध्यक्ष एवं लियो एडभाइजर श्याम बाबु श्रेष्ठको प्रमुख अतिथ्यतामा भएको कार्यक्रममा बालमन्दिर माविका प्रधानाध्यापक शिव थापा, कार्यक्रम संयोजक तथा शिक्षा संयोजक रचना बसेल, लियो क्लव अफ गोरखाका बिभिन्न पदाधिकारि र बिद्यार्थीहरुको उपस्थिती रहेको थियो ।
