सम्झौता कार्यान्वयनका लागी नगरपालिकालाई झक्झक्याउनु भएको छ त ?

नगरपालिकालाई त हामीले पहिले देखि नै भन्दै आएका छौ । प्रति लिटर ९८ रुपैया तेल हुदा हामीले काम शुरु गरेको हो । अहिले तेलको भाउ बढेर दोव्वर जस्तै भइसक्यो । यसमै हामीलाई मार परेको छ । नगरपालिकामा नयाँ नेतृत्व आइसकेपछि पनि हामीले कुरा राख्यौ । असार १४ गते लिखित रुपमा पनि दियौ । भदौमा फेरी हामीले नगर प्रमुख, प्रमुख प्रशासकीय अधिकृत र केही वडाध्यक्षसँग बसेर कुरा राख्यौ । उहाहरुले कार्यपालिकामा कुरा लानुभयो तर केही वडाध्यक्षले ठेक्का लिनेले गर्ने हो भन्नुभयो । अपनत्व फिल गर्नुभएन । अहिले नगरपालिकाले फोहोरमा व्यवसाय गरिरहेको छ ।

२० प्रतिशत हामीसँग लिदै आएको छ । हाम्रो कुरा के छ भने खर्च कटाएर केही बच्यो भने त्यसको २० प्रतिशत दिने भन्ने हो तर उहाहरुको त्यो बुझाइ भएन । नौ महिनाको अवधिमा हाम्रो ५६ लाख खर्च भइसक्यो । तीन महिना अझै बाँकी छ । एक बर्षको खर्च करिव ८० लाख पुग्ने देखियो । तर अहिलेसम्म करिव ४६ लाख मात्र उठेको छ । कतिपयले महशुल नै दिएका छैनन् । कतिपय सरकारी कार्यालयले फोहोर फाल्ने तर पैसा नतिर्ने गरेका छन् । यातायात राख्ने ठाउँहरुमा हाम्रो कर्मचारीले दैनिक सरसफाइ गरिरहेको छ । तर यातायात प्रालिहरुले अहिले सम्म रकम दिएका छैनन् ।  हामीले पत्राचार समेत गरेका छौ तर केही प्रतिक्रिया आएको छैन । हाम्रो एउटा माग भनेको वडाले टोलवासीलाइ फोहोर उठाउन रसिद लिएर समन्वय गरिदिनुप¥यो भन्ने हो । सेवा लिन आउनेलाई वडाध्यक्षहरुले यस महिनाको फोहोरको शुल्क तिर्नुभयो भनेर सोधिदिनुभयो भने पनि हुन्छ । मुख्य कुरा समन्वय गरिदिनुप¥यो भन्ने हो ।

जे जस्ता समस्या भएपनि जिम्मा लिएपछि त फोहोर उठाउनु प¥यो नी ! होइन र ?

फोहोर उठेको छ । बर्षाका कारण ल्याण्डफिल्ड साइडसम्म जान नसकेर मात्र हो । नत्र हामी नियमित फोहोर उठाइरहेका छौ । दिनको दश पटक फोहोर उठाउन पनि तयार छौ । तर मुख्य समस्या भनेको ल्याण्डफिल्ड साइडको स्थायी रुपमा व्यवस्थापन हुन नसक्नु हो । देउरालीको फोहोर ल्याएर वडा नम्वर ८ मा फाल्नुपर्छ । तल्लो भेगको फोहोर तलै डम्प गर्न सके सहज हुन्थ्यो ।

आम्दानी भन्दा खर्च धेरै भन्नुभयो, कसरी ?

हामीसँग घरधुरीको एकीन डाटा थिएन । नगरपालिकाले करिव साढे १३ हजार घरधुरी छ भनेर आकलन गरेको थियो । त्यसमध्ये करिव पाँच हजार घरधुरी ग्राहक हुन्छन् भन्ने हाम्रो कल्पना हो । एउटा रेट राखेर हामीले उनीहरुसँग सेवा शुल्क उठाउन पाइन्छ भन्ने सोच राखेका थियौ तर नगरपालिकाले राजश्व समितिले गरेको निर्णय अनुसार शुल्क उठाउनुपर्छ भन्यो । त्यसमा पनि हाम्रो अपेक्षाभन्दा धेरै कम भयो ।
तैपनि करिव पाँच हजार ग्राहक भए खर्च उठाउन सकिन्छ भन्ने लागेर काम शुरु ग¥यौ ।

अहिले कतिपय ग्राहक नबन्ने भनेका छन् । कपितयले एक सय रुपैयाका लागी पनि आलटाल गर्दै भोली भोली भनेका छन् । कर्मचारीलाई तलव समयमै दिनुप¥यो । सहकारीबाट ऋण निकालेर तलव खुवाइरहेका छौ । समयमै सेवा शुल्क दिएमा हामीलाई पनि मार पर्ने थिएन । यो कुरा उपभोक्ताले बुझिदिनु प¥यो ।

अव के भयो भने नियमित फोहोर उठ्छ ?

मुख्य कुरा ल्याण्डफिल्ड साइडकै समस्या हो । त्यहाँ जाने बाटो बाह्रे महिना चल्ने हो भने हामी गाडी पनि थप्छौ । हामी नियमित फोहोर पनि उठाउछौ । अहिले बाटोकै कारण समस्या भएको हो । सेवा सुविधा हामी बढाउछौ । गल्ने, नगल्ने, पुन प्रयोग हुने फोहोरलाई छुट्याउने प्रयास गरिरहेका छौ । अव मुख्य समस्या पैसा नउठ्ने पनि हो । घाटा भयो भने त हामीपनि काम गर्न सक्दैनौ । यसमा नगरपालिकाले केही सहुलियत दिनुपर्छ । नगरपालिकाको एक रुपैया खर्च छैन फोहोर व्यवस्थापनमा । गाडी दिएको छ आवश्यक मर्मत, तेल र चालक खर्च हामीले व्यहोर्दै आएका छौ । ट्याक्टर पनि नयाँ ल्याइसक्यौ । काम गरिरहेका छौ, सेवा दिइरहेका छौ । तर बाटो नै नभएपछि के गर्ने ?

अन्त्यमा…

ल्याण्डफिल्डका लागी नगरपालिकालाई सबैले दवाव दिनुप¥यो । हामी सिकाइकै क्रममा छौ । केही गल्ती हुन सक्छ । त्यसलाई हामी सुधार गर्दै लैजान्छौ । उपभोक्ताहरुले सकारात्मक सुझाव दिएर सहयोग गरिदिनुप¥यो । फोहोर व्यवस्थापनमा सबैले अपनत्व लिएर सहयोग गरे कुनै समस्या छैन ।