३१ असोज, गोरखा । ६७ औ प्रहरी दिवसको अवसरमा दश जना प्रहरी कर्मचारी सम्मानित भएका छन् । सम्मानित हुनेमा प्रहरी नायव निरिक्षक प्रकाश गुरुङ, प्रहरी सहायक निरिक्षक यान प्रसाद पौडेल, प्रहरी वरिष्ठ हवल्दार कृष्णलाल बिक र प्रहरी हवल्दार शम्भु बहादुर बिक र बिनोद कुमार श्रेष्ठ रहेका छन् ।
प्रहरी सहायक हवल्दारहरु बुद्धि प्रसाद मझाकोटी, श्याम बहादुर क्षेत्री, चन्द्र बहादुर राना, प्रहरी जवान डम्वर बहादुर पुन र मनिसरा सारु मगरलाई पनि सम्मान गरिएको जिल्ला प्रहरी कार्यालयले जनाएको छ । कार्यक्रमकै अवसरमा अमर प्रहरी परिवारलाई दोसल्ला ओडाएर सम्मान समेत गरिएको डिएसपी लिलाराज लामिछानेले बताए ।
कार्यक्रमकै अवसरमा कार्यालयलाई बिभिन्न क्षेत्रमा सहयोग गर्दै आएका व्यक्तिहरुलाई पनि सम्मान गरिएको छ । प्रंशसा पत्रले उनीहरुलाई सम्मान गरिएको हो ।
जिल्ला प्रहरी प्रमुख एसपी केदार खनालको अध्यक्षता तथा प्रमुख जिल्ला अधिकारी शंकरहरि आचार्यको प्रमुख अतिथ्यतामा भएको कार्यक्रममा प्रजिअ आचार्य, सामुदायिक सेवा केन्द्र गोरखाका उपाध्यक्ष रामहरी केसी, गोरखा नगरपालिका वडा नम्वर ६ का अध्यक्ष राजेन्द्र कुमार जोशी, गोरखा उद्योग वाणिज्य संघका अध्यक्ष कृष्ण कुमार श्रेष्ठ, पत्रकार महासंघ गोरखाका अध्यक्ष नरहरि सापकोटा, पूर्व सुरक्षाकर्मी परिषद गोरखाका अध्यक्ष हरि कुमार थापा लगायतले मन्तव्य राखेका थिए ।
