२५ मंसिर, गोरखा । गोरखाका पत्रकार भीमलाल श्रेष्ठ ‘इच्छाकामना न्यूज सम्मान २०७९’ बाट सम्मानित भएका हुन् । इच्छाकामना न्यूज डटकम डिजिटल पत्रिकाले आफ्नो पाँचौ बार्षिक उत्सवको असवर पारेर उनलाई सम्मान गरेको हो ।
विगत दुई दशकदेखि पत्रकारिता क्षेत्रमा पु¥याएको योगदानको कदर गर्दै उनलाई सम्मान गरिएको बताइएको छ । कान्तिपुर टेलिभिजनका गोरखा संवाददाता श्रेष्ठ सहित अन्य पाँच जना पनि सम्मानित भएका छन् ।
सम्मानित हुनेमा चेपाङ समुदायका पहिलो इन्जिनियर धादिङका मनिष चेपाङ, प्रथम शहिद लखन थापा मगर विषयका शोधकर्ता गोरखाका जीवन आलेमगर, साहित्यकार तनहुँका अनिल श्रेष्ठ, तेक्वान्दो खेलाडी चितवनकी सुप्रिका गुरुङ्ग र चितवनका पत्रकार रोहिणी प्रसाद त्रिपाठी रहेका छन् ।
चितवन क्षेत्र २ क का प्रदेशसभा सदस्य कृष्ण प्रसाद सिलवालले उनीहरुलाई दोसल्ला ओडाएर कदरपत्रले सम्मान गरेका हुन् ।
