३ फागुन, गोरखा । हालै गोरखाको प्रमुख जिल्ला अधिकारीको रुपमा आएका दिनेश सागर भुषालले समय पालनामा कडाई गर्ने बताएका छन् । वुधवार जिल्लाका पत्रकारहरुसँगको भेटमा उनले कार्यक्रमहरु निर्धारित समयमै शुरु गर्ने प्रवृतिको बिकास गर्ने प्रतिवद्धता जनाए ।
‘प्राय निर्धारित समयमा कार्यक्रमहरु शुरु हुदैनन्,’ उनले भने, ‘जति बजे कार्यक्रम भनिएको छ ठिक त्यही समयमा शुरु गर्ने प्रवृतिको बिकास गरौ भन्ने हो ।’ यसको सुरुवात सरकारी कार्यालयबाटै गरिने उनले जानकारी दिए । ‘गोरखा समय’ बनाएर समयको पालना गर्न उनले सबैलाई आग्रह समेत गरेका छन् ।
जिल्लाका बिकास निर्माणको कामलाई तिव्रताका साथ अघि बढाउन पहल गर्ने समेत उनले बताए । ‘केही दिनमै निर्माण कम्पनी, सम्बन्धित कार्यालयका प्रतिनिधिहरुसँग बसेर छलफल गर्छु, पुराना योजनालाई चाडो सक्ने र नयाँ योजनाको समयमै कार्यान्वयन गर्न ताकेता गर्छु,’ उनले भने ।
जिल्लाको शान्ति सुरक्षमा खलल पु¥याउने र अराजकता सृजना गर्नेलाई कानूनी कारवाही गर्न आफू नचुक्ने उनले प्रतिवद्धता जनाएका छन् ।
