प्रयोगविहिन उक्त संकलन केन्द्रमा भीमसेन थापा गाउँपालिकाले थप रकम विनियोजन गरेको छ । अलपत्र र जिर्ण बन्दै गएका संरचनामा मर्मतका लागी दश लाख विनियोजन गरिएको प्रमुख प्रशासकीय अधिकृत चित्र बहादुर अधिकारीले बताए । ‘यसअघि प्रदेशले बनाएको संरचनामा गारो थिएन, जस्ताले छाएको खुल्ला संरचना मात्र थियो, ती संरचना पनि जिर्ण बन्दै गएका थिए,’ उनले भने, ‘ती मध्ये तीन वटा संरचनामा चार फिट इट्टाको गारो लगाएर प्लाष्टर गर्ने, सटर राख्ने र त्यसमाथि जाली राखेर रंगरोकन गर्ने काम भइरहेको छ ।’

हाइवेबाट केन्द्रसम्म जाने सडक ढलानका लागी पनि दश लाख रकम विनियोजन गरिएको उनले बताए । सो रकमबाट ६ वटा ह्मिपाइप समेत राखिने उनले जानकारी दिए ।

पाँच बर्षअघि बनेको संकलन केन्द्रको फागुन १ गते जनयुद्ध दिवसको अवसर पारेर उद्घाटन गरिएको छ । उद्घाटन भएपनि आजसम्म केन्द्र प्रयोगमा आउन सकेको छैन । साप्ताहिक रुपमा हाट बजार संचालन गर्ने भन्दै रकम विनियोजन भएपनि हालसम्म संचालनमा नआएको कृषि बिकास निर्देशनालय पोखराका कृषि इन्जिनियर बिश्वनाथ पौडेलले समेत बताए ।

‘संचालनमा आएन भन्ने गुनासो आएपछि हामीले स्थलगत निरिक्षण समेत गरेका थियौ,’ उनले भने, ‘संचालनमा नआएको पाएपछि तत्काल संचालन गर्न निर्देशन समेत दियौ तर अझै कार्यान्वयन भएको रहेन छ ।’ तत्काल संचालनका लागी आवश्यक पहल गर्ने उनले जानकारी दिए ।

पाँच बर्षसम्म पनि संचालनमा नआएपछि राज्यको लगानीको सदुपयोग हुन नसकेको भन्दै आलोचना समेत हुन थालेको छ ।