२९ फागुन, गोरखा । गोरखामा अवैध सालको काठ सहित आस कुमार सुनार पक्राउ परेका छन् । गोरखा नगरपालिका–३ नारेश्वर चिसापानी घर भएका उनी सोमवार साँझ पक्राउ परेका हुन् । उनी नारेश्वरमा रहेको आशिष फर्निचर उद्योगका संचालन समेत हुन् ।
Advertisement
उनको फर्निचरबाट ४९ थान सालको गोलिया काठ र १ सय १९ थान चिरान काठ बरामद गरिएको डिएसपी लिलाराज लामिछानेले बताए । फर्निचरमा अवैध रुपमा सालको काठ लुकाएर राखेको भन्ने गोप्य सूचनाको आधारमा प्रहरीले उनको फर्निचर उद्योगमा खानतलासी गरेको थियो ।
प्रहरी निरिक्षक हिमनाथ घिमिरे नेतृत्वको टोलीले खानतलासी गर्दा अवैध रुपमा राखिएको सालको काठ भेटेपछि सुनारलाई नियन्त्रणमा लिइएको हो ।
उनलाई आवश्यक कारवाहीका लागी डिभिजन वन कार्यालय पठाइएको डिएसपी लामिछानेले जानकारी दिए ।
तपाईको प्रतिक्रिया
संबन्धित शिर्षकहरु
