१३ बैशाख, गोरखा । जिल्ला प्रशासन कार्यालयले सार्वजनिक विदाको दिनपनि सेवा प्रवाह गर्ने भएको छ । विभिन्न चाडवाडको समयमा दिइएको बिदाका दिन नागरिकता, राहदानी र राष्ट्रिय परिचयपत्र सम्बन्धी सेवा प्रवाह हुने सोमवार सार्वजनिक सूचना मार्फत कार्यालयले जानकारी गराएको छ ।
कार्यालयका अनुसार यो बर्ष सार्वजनिक बिदा दिइएको १४ दिन सेवा प्रवाह हुने छ । वैशाख २२ गते (उभौली पर्व, बुद्ध जयन्ती), जेठ १५ गते (गणतन्त्र दिवस), भदौ १४ गते (रक्षाबन्धन), भदौ २० गते (श्रीकृष्ण जन्माष्टमी), असोज २८ गते (घटस्थापना) र पुस ९ गते व्रिmसमस डे को दिनमा सेवा प्रवाह हुने प्रमुख जिल्ला अधिकारी दिनेश सागर भुषालले बताए । यी सबै दिन सार्वजनिक बिदा छन् ।
त्यस्तै पौष १० गते किराँत समुदायको उभौली पर्व, योमरी पुनही र पौष १५ को तमु ल्होसारका दिनमा पनि कार्यालय सुचारु रहने बताइएको छ । पौष २७ गतेको पृथ्वी जयन्ती र माघ १ गतेको माघी पर्वका दिन पनि कार्यालय खुल्नेछ ।
फागुन १ गते (जनयुद्ध दिवस), फागुन ७ (प्रजातन्त्र दिवस), फागुन २५ (महाशिवरात्री), फागुन २८ (ग्लोल्पो ल्होसार÷बकर इद) को दिन पनि प्रशासन कार्यालयबाट नियमित रुपमा सेवा प्रवाह हुने प्रजिअ भुषालले जानकारी दिए ।
गृह मन्त्रालयको २०७९ चैत्र २ मा खण्ड ७२ संख्या ६५ नेपाल राजपत्रमा भाग ५ मा प्रकाशित सूचनामा सार्वजनिक सेवा प्रवाह सम्बन्धी विशेष व्यवस्था भए बमोजिम सार्वजनिक विदाका दिनमा समेत कार्यालयबाट सेवा प्रवाह गर्न लागिएको उनले बताए ।
