मनास्लु पदमार्गमा ढुंगाले लागेर एक स्वदेशी पर्यटक गम्भिर घाइते भएका छन् । सामागाउँबाट फर्कने क्रममा बिहीवार बिहान चुमनुव्री गाउँपालिका–५ बिही नजिकै माथिबाट खसेको ढुंगाले लागेर काठमाडौंको टोखा नगरपालिका–६ का ४४ बर्षीय मिनु इन्द्र लम्साल घाइते भएको प्रहरीले जनाएको छ ।
Advertisement
उनको टाउँकोमा चोट लागेको र अवस्था गम्भिर रहेको प्रहरी नायव उपरीक्षक राजकुमार श्रेष्ठले बताए । ‘हिडिरहेको अवस्थामा बाटोमाथिबाट एक्कासी ढुंगा खसेर लागेछ,’ उनले भने, ‘उनीहरुसँग गएका साथीहरुले खवर गरेपछि इलाका प्रहरी कार्यालय लार्केबाट हाम्रो टोलि त्यहाँ पुगेको हो ।’
बिही स्वास्थ्य चौकीका स्वास्थ्यकर्मीको टोलि सहित प्रहरी घटनास्थल पुगेको उनले जानकारी दिए ।
हेलिकप्टरबाट उद्धारका लागि पहल भएपनि प्रतिकूल मौसमका कारण हेलि उड्न नसकेको बताइएको छ ।
तपाईको प्रतिक्रिया
संबन्धित शिर्षकहरु
