चक्रपथ निर्माणमा पालिकाले हालसम्म सात करोड रकम खर्च गरिसकेको छ । संघ र प्रदेशबाट पनि बजेट विनियोजन भएर काम भएका छन् । पालिकाका अनुसार चक्रपथको हालसम्म ६ किमि सडक पक्की भइसक्यो । थप दुई किमि कालोपत्रेको तयारीमा छ । सडक स्तरोन्नतीसँगै ठाउँठाउँमा क्रस ड्रेनेज, रिर्टनिङ वाल, नाला लगायतका संरचना निर्माणको काम पनि भएको छ । चक्रपथ निर्माणको हालसम्म ३५ प्रतिशत भौतिक प्रगति भएको इन्जिनियर पनेरुले बताए । ‘यो बर्षको ठेक्का सकियो, अवको बर्ष संघीय समपुरकको बजेट,’ उनले भने, ‘ठेक्का प्रक्रिया अघि बढाएर काम सुरु गर्छाै ।’

पालिकाको आठ वटै वडालाई पक्की सडकले जोडेर नागरिकको दैनिक जीवनयापन सहज बनाउने उदेश्यले चक्रपथ निर्माणको काम अघि बढाइएको प्रमुख प्रशासकीय अधिकृत चित्रबहादुर अधिकारीले बताए । ‘पक्की सडक भएपछि आर्थिक गतिविधी बढ्छ,’ उनले भने, ‘स्थानीय स्तरमा उत्पादित कृषि उपजको बजार व्यवस्थापनमा पनि सघाउ पुग्छ ।’ पालिकाको सडकमा बाह्रै महिना यातायात संचालन हुन सके पर्यटन प्रवद्र्धनमा समेत टेवा पुग्ने उनको बिश्वास छ ।