७ असार, गोरखा । जिल्लाका होटल तथा रेष्टुरेष्टहरुमा हुक्का प्रयोगलाई निरुत्साहित गरिने भएको छ । हुक्का प्रयोग गरी लागूपदार्थ प्रयोग गर्ने प्रवृति बढेकाले नियन्त्रण गर्न खोजिएको प्रमुख जिल्ला अधिकारी शंकरहरी आचार्यले बताए ।
लागू औषध प्रयोग तथा ओसारपोसार नियन्त्रणका लागी मंगलवार बसेको बैठकले उक्त निर्णय गरेको हो । होटल रेष्टुरेष्ट तथा सार्वजनिक स्थलमा लागू औषध सेवन गरेको पाइएमा प्रहरीको टोल फ्रि नम्वर १०० मा खवर गर्न प्रशासनले आग्रह गरेको छ ।
खवर गर्नेलाई सम्मान गरिने बताइएको छ । डाक्टरको सिफारिस बिना औषधी किनबेच नगर्न भन्दै औषधी व्यवसायीलाई सचेत समेत गराइएको छ ।
बिक्री वितरण गरेको औषधीको परिमाण र मिति समेत उल्लेख गरी डाक्टरको सिफारिसमा छाप लगाउने व्यवस्था गर्न पनि आग्रह गरिएको छ । लागू औषधको प्रयोग हुने सम्भावित स्थानको पहिचान गरी प्रहरी निगरानी बढाइने प्रजिअ आचार्यले बताए ।
