११ साउन, गोरखा । कुटपिट अंगभंग मुद्धामा सजाय सुनाइएका दुई जना फरार अभियुक्तलाई प्रहरीले पक्राउ गरेको छ । पक्राउ पर्नेमा पालुङटार नगरपालिका–३ का शम्भु बयलकोटी र डिल्लीराम नेपाली रहेका छन् ।
Advertisement
गोरखा जिल्ला अदालतले दुई महिना ३ दिन कैद सजाय सुनाएको उनीहरुलाई इलाका प्रहरी कार्यालय ठाँटीपोखरीबाट खटिएको टोलीले वुधवार पक्राउ गरेको हो । कैद भुक्तानका लागी उनीहरुलाई कारागार पठाइएको डिएसपी लिलाराज लामिछानेले बताए ।
त्यस्तै प्रहरीले जुवा मुद्धामा सजाय तोकिएका पाँच जना फरार अभियुक्तलाई पनि पक्राउ गरेको छ ।
जरिवाना वापतको रकम दाखिला गरी उनीहरुलाई अदालतले रिहा गरेको डिएसपी लामिछानेले बताए ।
तपाईको प्रतिक्रिया
संबन्धित शिर्षकहरु
