२ भदौ, गोरखा । पालुङटारको ऐतिहासिक स्थल लिगलिगकोटदेखि सिरानचोक हुँदै गोरखा दरवारसम्म खुल्ला म्याराथन दौड प्रतियोगीता हुने भएको छ । नेपाल एकीकरणको दौरान प्रयोग भएका पदमार्गलाई समेटेर दौड गर्न लागिएको मूल आयोजक समारोह समितिले जनाएको छ ।
बिहीवार पत्रकार सम्मेलन गर्दै समितिले भदौ २५ गते दौड हुने बताएको छ । नेपाल एकीकरणको उद्गम थलो गोरखाको इतिहास जगेर्ना गर्दै पर्यटन प्रवद्र्धनमा सहयोग पु¥याउने उदेश्यले प्रतियोगीता गर्न लागिएको समिति सदस्य एवं गोरखा नगरपालिकाका मेयर कृष्ण रानाले बताए । एकीकरणको दौरान प्रयोग भएका गढी तथा किल्लाहरुको संरक्षण गर्ने उदेश्य पनि रहेको उनले जानकारी दिए ।
‘नेपालको उत्पत्तिदेखि जगसम्म’ भन्ने अवधारणा सहित हुन लागेको दौडको निर्धारित दुरी ४० किलोमिटर रहेको छ । प्रतियोगीताको उपाधी बिजेताले एक लाख ५० हजार नगद पुरस्कार पाउने छन् । उपबिजेताले एक लाख, तृतीय हुनेले ७५ हजार, चौथो हुनेले ५० हजार र पाचौ स्थान हासिल गर्नेले ३५ हजार पाउने छन् ।
त्यस्तै छैटौ, सातौ, आठौ, नवौ र दशौ हुनेले क्रमश ३० हजार, २५ हजार, २० हजार, १५ हजार र १० हजार नगद पुरस्कार पाउने आयोजक समितिले जनाएको छ ।
लिगलिगकोटबाट शुरु हुने दौड सिरानचोकको चित्रेपोखरी हुदै गोरखा दरवारमा आएर टुङ्गिने छ । दौड हुने मार्गको केही दिनमा स्थलगत निरक्षण गरी आवश्यक मर्मत गरिने आयोजकले जनाएको छ ।
दौडमा सहभागी हुन चाहनेहरुले अनलाइन फारम भर्न सक्ने छन् । नेपाली सेनाको रिपुमर्दन गण, सिरानचोक गाउँपालिका, गोरखा र पालुङटार नगरपालिकाले संयुक्त रुपमा प्रतियोगीता गर्न लागेका हुन् । प्रतियोगीता गर्न करिव १५ लाख लाग्ने अनुमान गरिएको छ । नेपाली सेनाले एक लाख र बाँकी रकम सम्बन्धित पालिकाले व्यहोर्ने बताइएको छ ।
२०७६ सालबाट जिल्लामा उक्त दौड प्रतियोगीता शुरु भएको थियो । बर्षेनी प्रतियोगीता गर्ने भनिएपनि कोभिडका कारण दुई बर्ष गर्न नसकिएको आयोजकले जनाएको छ ।
यसबर्षबाट दौड प्रतियोगीताले निरन्तरता पाउने बताइएको छ ।
