‘गठबन्धनको सरकार बनेको पनि डेढ बर्ष हुन लागिसक्यो तर जनताले नयाँपन र राहत अनुभूति गर्न पाएका छैनन्,’ उनले भने, ‘हामीले हाम्रो कार्यकालमा जिल्लाको भौतिक संरचनाको विकासमा कुनै कमी राखेको छैन, शिक्षा स्वास्थ्य लगायतका क्षेत्रमा पनि थुप्रै कामहरु गर्‍यौं, जनताले त्यसको मूल्याकंन पक्कै गर्नेछन् ।’

२०७४ सालको प्रदेशसभा निर्वाचनमा निर्वाचित भएपछि बस्नेत गण्डकी सरकारको भौतिक पूर्वाधार तथा यातायातमन्त्री भएका भए । त्यसक्रममा गोरखामा केही विकास निर्माणका योजना पनि ल्याएका थिए । यद्यपि सडक नै नभएको ठाउँमा पुल बनाएको भनेर पछिल्लो समय उनी आलोचित समेत भएका थिए ।

बजगाईं पर्यटन व्यवसायी हुन्, उनी जिल्लामा कम र काठमाडौंमा धेरै बस्छन् । कांग्रेसको १४ औं महाधिवेशनमा जिल्लाबाट महाधिवेशन प्रतिनिधि र महासमिति सदस्य निर्वाचित भएका उनी केन्द्रीय सदस्य भने पराजित भए ।

क्षेत्र नम्बर १ को उत्तरी क्षेत्रमा आफू परिचित रहेको र गठबन्धनको उम्मेदवार भएकाले सहज जित्ने बजगाईँको दाबी छ । ‘गठबन्धनका कारण पनि म पहिलेभन्दा बलियो छु’, बजगाईंले अनलाइनखबरसँग भने, ‘पहिलो चुनावमा मेरा एजेण्डाहरु समयमै जनतामाझ पुर्‍याउन सकिन, त्यो क्षेत्रमा समय पनि दिन सकिन । पहिलेका गल्तीलाई सुधार्दै यो पटक आफ्नो भूगोलमा धेरै समय दिन्छु ।’

गोरखा–१ मा १ लाख १५ हजार ३९७ मतदाता छन् ।