२८ कात्तिक, गोरखा । गोरखामा एमालेका नेतामाथि आक्रमण भएको छ । पालुङटार नगरपालिका–७ च्याङली स्थित एक रिसोर्टमा आइतबार राति ११ बजे खाना खाइरहेका बेला एमाले गण्डकी प्रदेश सदस्य हरि काफ्लेमाथि आक्रमण भएको हो ।
Advertisement
खाना खान रिसोर्टमा गएका काफ्लेलाई त्यही रहेका युवाको समूहले आक्रमण गरेको डिएसपी लिलाराज लामिछानेले जानकारी दिए । काफ्लेको टाउकोमा चोट लागेको छ । उनलाई उपचारका लागि काठमाडौं पठाइएको छ ।
कुटपिटबाट काफ्लेसँगै रहेका एमालेकै खेलकुद महासंघका केन्द्रीय कार्यालय सदस्य दीपक तामाङ पनि सामान्य घाइते भएका छन् । आक्रमण गरेको आरोपमा तनहुँका अजित पन्त र राम सापकोटालाई नियन्त्रणमा लिएको प्रहरीले जनाएको छ ।
उनीहरू दुवै जना एमालेकै युवा संघ कार्यकर्ता भएको स्रोतको भनाइ छ ।
तपाईको प्रतिक्रिया
संबन्धित शिर्षकहरु
