१९ मंसिर, गोरखा । १९ औ महिला सामुदायिक स्वास्थ्य स्वयंसेविका दिवस सोमवार आरुघाट गाउँपालिकाले बिविध कार्यक्रम गरी मनाएको छ । दिवसको अवसरमा स्वास्थ्य संस्था स्तरीय हाजिरीजवाफ प्रतियोगीता भएको छ ।
गाउँपालिका स्वास्थ्य शाखाको आयोजनामा भएको प्रतियोगीतामा आरुपोखरी स्वास्थ्य चौकी पहिलो भएको छ । त्यस्तै आरुचनौटे प्राथमिक स्वास्थ्य केन्द्र दोस्रो, थुमी स्वास्थ्य चौकी तेस्रो र आरुआर्वाङ स्वास्थ्य चौकी सान्त्वना भएका छन् ।
उनीहरुले क्रमश तीन हजार, दुई हजार, एक हजार र पाँच सय नगद पुरस्कारको साथमा प्रमाणपत्र दिइएको स्वास्थ्य शाखा प्रमुख प्रविन थापाले बताए ।
दिवसको अवसरमा औपचारिक कार्यक्रम समेत भएको थियो । गाउँपालिका प्रमुख प्रशासकीय अधिकृत चिन बहादुर रानाभाटको अध्यक्षता तथा गाउँपालिका अध्यक्ष राजु गुरुङको प्रमुख अतिथ्यतामा भएको कार्यक्रममा स्वास्थ्य कार्यालय गोरखाका निमित्त कार्यालय प्रमुख नरजंग ठकुरी, बिभिन्न शाखाका प्रमुखहरु, महिला स्वयमसेविका लगायतको उपस्थिती रहेको थियो ।
कार्यक्रममा बोल्ने वक्ताहरुले महिला स्वयमसेविकाहरुले स्वास्थ्य क्षेत्रको पु¥याएको योगदानको कदर समेत गरेका थिए ।
