२१ फागुन, गोरखा । नेपाल मगर संघ पालुङटार नगर समितिको दोस्रो अधिवेशन सम्पन्न भएको छ । शनिवार भएको अधिवेशनले मान बहादुर आले मगरको अध्यक्षतामा १७ सदस्यीय नयाँ कार्यसमिति सर्वसम्मत चयन गरेको छ ।
जसको उपाध्यक्षमा सुवास राना, सचिवमा संगम थापा मगर, सह–सचिवमा कृष्ण थापा मगर र कोषाध्यक्षमा सानी थापा मगर रहेका छन् । सदस्यहरुमा खड्ग बहादुर थापा मगर, सुन बहादुर राना मगर, कुमारी थापा मगर, डम्मर बहादुर थापा मगर, जित बहादुर थापा मगर, रण बहादुर थापा मगर, भगवती राना मगर, कमल राना मगर, थम बहादुर राना मगर, किसन थापा मगर, नन्द बहादुर बाचे मगर र मैया गेलानी मगर रहेका छन् ।
समितिका निवर्तमान अध्यक्ष सिद्धि पाटा मगरको अध्यक्षता तथा नेपाल मगर संघका केन्द्रिय सदस्य एवं पूर्व जिल्ला अध्यक्ष बिष्णु राना मगरको प्रमुख अतिथ्यतामा भएको कार्यक्रममा संघका पूर्व जिल्ला उपाध्यक्ष मान बहादुर थापा मगर, पूर्व जिल्ला सदस्य सिंह बहादुर थापा मगर, डम्वर बहादुर राना मगर, तत्कालिन क्षेत्रिय समिति सचिव वेद बहादुर राना मगर लगायतले मन्तव्य राखेका थिए ।
मगर समुदायको भाषा धर्म र संस्कृती जगेर्नाका लागी बिशेष योजना बनाएर अघि बढ्ने नयाँ कार्यसमितिले जनाएको छ ।
नवनिर्वाचित पदाधिकारीहरु एवं कार्यसमिति सदस्यहरुलाई संघका केन्द्रिय सदस्य बिष्णु रानाले संघको बिधान अनुसार सपथ ग्रहण गराएका थिए ।
