पार्टीभित्र हुने घात अन्तरघातकै कारण कांग्रेस कमजोर बन्दै गएको पार्टीका केही नेता÷कार्यकर्ताको बुझाइ छ ।

हालै सम्पन्न वडा नम्वर ५ को उपचुनावको समिक्षा गर्ने हो भने सुक्ष्म अध्ययन, अनुसन्धानभन्दा ‘ओभरकन्फिडेण्ट’को गौडोमा कांग्रेस अल्झिएको देखिन्छ । साथै माओवादी जसरी मिहिन रुपमा खट्यो, निरन्तरको खटाइमा कांग्रेस चुकेको देखिन्छ । ‘संगठनमा कांग्रेस अगाडि छ’ भन्ने अन्धविश्वासमा लिप्त भएको कांग्रेस ‘ओभर कन्फिडेन्ट’को गौँडोमा अल्झिएकाले पल्टनबाजी खाएको पनि कोहीको तर्क छ । २०७९ को निर्वाचनमा पनि नगरकै चुनावमा ‘ओभर कन्फिडेण्ट’मा चिप्लिएको कांग्रेस यसपटक पनि ओभरकन्फिडेण्टकै भुमरीमा फँसेको देखिन्छ ।
संगठन बिस्तार र सुदृढिकरणमा दृढ भएर लागि नपर्ने आरोप खोप्ने गरेको कांग्रेस चुनावको पूर्व तयारीमा समेत चुकेको पार्टीकै केही कार्यकर्ता तर्क गर्छन् । ‘उपचुनाव हुने निश्चित नै थियो, एक दुइ दिन तलमाथि मात्र हो,’ पार्टीमा आवद्ध एकले भने, ‘तर चुनावको लागि केही पूर्व तयारी देखिएन । चुनाव आउने केही दिन अघि मात्र चहलपहल देखाएर के काम !’

चुनावको हारलाई कतिपयले पार्टी नेतृत्वपंक्तिको कमजोरी र अपरिपक्कतासँग जोडेका छन् । ‘अरुसँग सरसल्लाह नगर्ने र अरुले भनेको सुझावलाई वेवास्था गर्दै एकलौटी ढंगले उनीहरु अघि बढ्दा यो नजिता खेप्नु परेको हो,’ पार्टीमै आवद्ध एक नेताले भने । सांगठनिक नेतृत्व र कमाण्ड कसले गर्ने भन्ने कुरामा समेत अन्योलता रहेकाले समस्या भएको उनको भनाइ छ ।

सुगमको दुर्गम मानिने उक्त वडामा कांग्रेसकै पालामा पनि अपेक्षा अनुसारको बिकास नपाएकाले वडावासीहरु रुष्ट भएको केहीको तर्क छ । ‘एक त नगरकै नेतृत्व कांग्रेसले गरेका बेला पनि चुनावमा उनीहरुले गरेको वाचा पुरा गर्न सकेनन्, अर्काे यो चुनावमा टोलस्तरसम्म कांग्रेस जति भिज्न सक्नुपथ्र्याे त्यसमा पनि चुक्यो,’ स्रोत भन्छ ।

उम्मेदवार चयनमा पनि ध्यान दिनुपर्ने उनको सुझाव छ ।